TAARIFA YA JESHI LA POLISI MKOA WA MBEYA TAREHE 12.01. 2014.

WILAYA YAMOMBA –MAUAJI

MNAMO TAREHE 11.01.2014 MAJIRA YA SAA 03:00HRS HUKO KATIKA KIJIJI CHA SAMANG’OMBE, KATA YA IVUNA, TARAFA YA KAMSAMBA, WILAYA YA MOMBA MKOA WA MBEYA, MSAFIRI S/O DAIMON, MIAKA 22, MNYAMWANGA, MKULIMA, MKAZI WA KIJIJI CHA RWATWE ALIUAWA KWA KUCHOMWA KISU TUMBONI NA UTUMBO MKUBWA KUTOKA NJE NA

BOIDI S/O PASCHAL, MIAKA 36, MNYAMWANGA ,MKULIMA NA MKAZI WA RWATWE.CHANZO NI WIVU WA KIMAPENZI/UGONI BAADA YA MTUHUMIWA KUMKUTA MAREHEMU AKIWA NA MKEWE KILABUNI.MTUHUMIWA AMEKAMATWA. KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUJICHUKULIA SHERIA MKONONI KWANI INA MADHARA MAKUBWA NA BADALA YAKE WATUMIE NJIA ZA BUSARA KATIKA KUTATUA MIGOGORO YAO INAYOWAKABILI.

WILAYA YA KYELA – KUPATIKANA NA BHANGI 

MNAMO TAREHE 11.01.2014 MAJIRA YA SAA 20:30HRS HUKO KIJIJI CHA KAPELA, KATA YA MAKWALE, TARAFA YA NTEMBELA, WILAYA YA KYELA, MKOA WA MBEYA, ASKARI POLISI WAKIWA DORIA/MSAKO WALIMKAMATA LIVING S/O JEKE, MIAKA 27, MKULIMA NA MKAZI WA KATALE AKIWA NA BHANGI KETE 14 NA GRAMU 250, BHANGI YOTE IKIWA NA UZITO WA GRAMU 320. TARATIBU ZINAFANYWA ILI AFIKISHWE MAHAKAMANI. KAMANDA WA POLISI  MKOA WA MBEYA  KAMISHNA MSAIDIZI MWANDAMIZI WA POLISI AHMED Z. MSANGI  ANATOA  WITO KWA JAMII KUENDELEA KUTOA TAARIFA ZA MTU/WATU WANAOJIHUSISHA NA UTUMIAJI WA DAWA ZA KULEVYA KWANI NI KINYUME CHA SHERIA NA PIA NI HATARI KIAFYA KWA WATUMIAJI.

Credit: MICHAEL MSOMBE