GARI LAUA MADEREVA WA BODABODA DAR

•  Dereva apiga risasi hewani, wananchi wachoma moto gari lake

 Gari aina ya Toyota VX likiwaka moto baada ya kuchomwa na wananchi mchana leo Bunju B jijini Dar kwa kusababisha ajali na kuuwa madereva watatu wa bodaboda.


GARI aina ya Toyota VX limeua madereva watatu wa bodaboda mchana wa leo katika ajali iliyotokea maeneo ya Bunju B, Dar es Salaam. 
Maiti za marehemu zilipelekwa katika Kituo cha Polisi Bunju A. Wananchi wenye hasira walijichukulia sheria mkononi na kulichoma moto gari hilo kama inavyoonekana kwenye picha. Kwa mujibu wa mmoja wa mashuhuda, wananchi hao walitaka kumpiga dereva wa gari hilo ambaye ni mzungu, lakini dereva huyo alipiga risasi hewani na wanasheria mkononi hao wakasambaa. Dereva huyo aliita gari nyingine, akabeba vitu vyake na kusepa. Wanasheria mkononi hao wakaishia kulichoma moto gari lake.

Wananchi wakiwa eneo la tukio, kabla ya kulichoma moto gari aina ya Toyota VX lililoua madereva watatu wa bodaboda katika ajali iliyotokea Bunju B, Dar es Salaam.