USHAURI WA JULIANA SHOZA KWA BAVICHA/CHADEMA

Naomba kuwasaidia BAVICHA, ni kwa dhati ya moyo wangu
“...wakristo wanajuakuwa Mussa alianzisha safari ya waisrael kwenda Kanaani, ila hakuwafikisha. Kina Mtei (edwin), Kimesera (Victor), Bob Makani na wengineo walianzisha safari ya kwenda Ikulu, ila hawakutufikisha. Mbowe ni sawa na Joshua atakayetufikisha Ikulu..”
Maneno hayo kwenye aya niliyoinukuu hapo juu si yangu bali ni ya EmmanuelMasonga Mwenyekiti wa BAVICHA kutoka wilaya ya njombe akimsifu Mbowe mbele ya Wazee wanaojiita “..wazee wa CHADEMA..” jijini Dar essalaam.
Labda niseme ni kujitia Upofu, labda niseme Mapenzi yaliyopitiliza na wakati mwingine napata dhana kuwa ni UMBUMBUMBU, na si kingine chochote kinachowafanya Vijana wa BAVICHA kutojitathimini,kutojiuliza na kutofikiri sawasawa kabla ya kutoa kauli, hasa kauli hiyo ikitolewa kwenye kongamano la watu.
Yapo mambo sisi vijana tukiyafanya, yanatudhalilisha, yanatufedhehesha mbele za watu na mbaya zaidi yanatushusha hadhi na kututukanisha.Labda ni kukosa ufahamu lakini nashawishika kuamini ni UJUHA tu ndio unaweza kumfanya kijana ambaye anatokwa na jasho mwili mzima kwa jua kali la mchana na yeye anaaminishwa kuwa huo ni USIKU wa manane wenye baridi kali na anapaswa kujifunika.,nae kama ZUZU akubali aseme NDIOMZEE ni usiku wa giza totoro..
Siamini kuwa BAVICHA wanaamini kuwa CHADEMA yao inaimarika.,siamini hivyo na nina uhakika kuwa hata HECHE haamini hivyo labda ndio maana hajasema yeye kwa niaba ya Vijana, kamtafuta mmoja wa wasiojielewa atoe salamu za bavicha kuwa sasa CHADEMA inaelekea IKULU...vichekesho.
Ni CHADEMA ipi..? hii ambayo inaongozwa kifalme, kibabe na kibedui..? Taasisi ambayo wachache tu ndio wana haki na wengine ni wasindikizaji.? Chadema yenye Mwenyekiti asiye na Makamu, Yenye Katibu Mkuu asiye na Naibu, Yenye Mwenyekiti wa Vijana asiye naMakamu..? au Chadema ipi..? waswahili wanasema kinywa chenye mapengo hakitafuni muwa.
Hivi IKULU ni Kariakoo sokoni, kuwa hata kwa daladala au boda boda utafika..? nadhani wanaojiaminisha kuwa CHADEMA ambayo viongozi wake wanajiuzulu mpaka vyombo vya habari vinapata ukakasi kuripoti matukio hayo ya kujiuzulu eti ni Chadema inayoelekea IKULU..chadema ambayo ilidharau wapinzani wengine na kuwakataa leo wamerudi kuwapigia magoti waungane nao na kuwaomba msamaha kwa kauli walizozitoa mwanzo za “ hakuna ndoa ya wanaume wengi” eti ndio CHADEMA imara inayojiandaa kwenda Ikulu..?
CHADEMA yenye wazee kutoka kigoma waliotembea kuja kumchukulia Fomu MBOWE,ambao sio kina MTEI, sio KIMESERA bali ATHUMAN MZIGO al-maarufu“..MAPINDO SABA..” hajulikani kokote kwenye siasa za Tanzania, mganga njaa ambae eti leo thamani yake ni kubwa kuliko waasisi ambao bado wako hai akina MTEI..,eti yeye ndio aamue nani anafaa kuendesha Chama hicho...off all people MAPINDO SABA..??? kweli chadema kweli..,mapindo saba ndio awe muamuzi wa chadema inayoelekea IKULU..seriously..???
Ikiwa MAPINDO SABA ndio Mzee wa CHADEMA leo na MASONGA ndio kijana wa CHADEMA leo basi yatosha kusema kuwa CHADEMA ya leo iko tayari kuelekea kuzimu sio Ikulu...
Naomba kuwasaidia Vijana wa BAVICHA Kufikiri.