LULU USIPEPESE MACHO KWA HILI

Alisema  eti  aachwe  kwanza, eti  baada  ya  ule  mkasa  hataki  kabisa  kusikia  habari  za  mapenzi. Amini  usiamini , haukupita  muda  mrefu  skendo  za  mapenzi  zikaanza  kuvuma  tena.

Tukaanza  kusikia  habari  za  kina  fulani  zikihusishwa  na  yeye. Alianza  yule  jamaa  handsome  asiyekuwa  na  jina  kubwa. Bila  kujulikana  alipotokea  akaibuka  na  kusema  alikuwa  na  mahusiano  na  Lulu  Michael  na  alikuwa  katika  mchakato  wa  kumuoa. Baadaye  Lulu  akamkana, yakaisha.

Likaja  swala  la  Diamond, sukari  ya  warembo. Yeye  alisema  aliwahi  kushea  shuka  moja  na  Lulu. Wote  tuliamini. Kwani  wewe  humjui  Diamond?  Huwa  hafanyi  kosa.

Diamond  wa  Jack  Wolper, Peniel Mungirwa, Irene  Uwoya, Aunt Ezekiel  na  Jokate  Mwegelo.  Kwa  namna  gani  akisema  kashea  shuka  na  msichana  ukatae? Kwanza  wasichana  wenyewe  hujisikia  faraja  na  fahari  kuhusishwa  naye.

Lulu  sasa  ameibuka  na  stori  ya  jamaa  mwingine  aitwaye  Nando  aliyekuwa  mshiriki  wa  Big  Brother  mwaka  jana. Bila  kuuma  maneno, jamaa  kasema  Lulu  ni  demu  wake. Baada  ya  Lulu  kupigiwa  simu  alisema  aulizwe  Nando, atakachosema  yeye  hana  usemi.

Nando  akaendelea  kusisitza  kuwa  Lulu  ni  demu  wake. Cha  kushangaza  baada  ya  Nando  kukubali, siku  tatu  baadae  Lulu  kamkana  jamaa. Eti  kasema  jamaa  anatafuta  kiki. Mwanzo  alipoulizwa  na  kusema  aulizwe  Nando  ndo  mwenye  jibu  alimaanisha  nini?

Eti  anasema  ni  kweli  alitongozwa  na  Nando  na  akamkubali  ila  hawakuwahi  kuvuliana  nguo. Sisi  tutaamini  vipi?  Ya  ndani  hubaki  siri  za  wa  ndani.  Sisi  wa  nje  tutajuaje  kama  hawakufanya  chochote.?

Kwanza  katika  dunia  ya  leo, dunia  iliyooza  na  kuvaa  vimini, mwanamke  akitongozwa  maana  yake  nini?  Tena  staa  kama  yeye?  Mwenye  lundo  la  skendo  za  mapenzi?  Akitongozwa  na  kukubali  kinachofuata  ni  nini?...Kwa  hili  Lulu  nakuona  haupo  Serious.

Lakini  ni  kwa  nini  Lulu  anakuwa  na  majibu  ya  kutatanisha  juu  ya  mahusiano  yake? Au  ana  mtu  mwingine  na  alitaka  Nando  awe  wa  akiba?  Au  alidhani  akiwa  na  Nando  kwa  sababu  jamaa  siyo  staa  itakuwa  siri  hivyo  kufungua  mianya  ya  michepuko?

Kwa  nini  mwanzo  Lulu  alipohojiwa  alionekana  kama  kuridhia  kila  jibu  litakalotolewa  na  Nando, ila  baadaye  akakana? Nani  alihoji  kama  wametembea  naye  hata  ajishuku  hivyo? ...Kwa  hili  Lulu  nakuona  haupo  Serious.